Tuesday, October 26, 2010

നിന്നെയും തേടി

ആയിരം സ്വപ്നങ്ങൾ
പൂവി,ട്ടുലഞ്ഞൊരെൻ
മാനസമിന്നു
വെറും മണല്ക്കാടു താൻ...

ശപ്ത ദു:ഖങ്ങൾതൻ
വേനലിൻ ചൂടിലാ
പുഷ്പങ്ങളൊക്കെയും
വാടിക്കരിഞ്ഞു പോയ്...

നഷ്ട സ്വർഗ്ഗങ്ങളെ
മാറാപ്പിലാക്കി ഞാ-
നിക്കൊടും ചൂടിൽ നിൻ
കാല്പ്പാടു തേടവേ...

വ്യർത്ഥ മോഹങ്ങൾ
മരീചികയായ് മുന്നിൽ
നൃത്തം ചവിട്ടി-
പ്പിടി തരാ,തോടുന്നു...

കാതങ്ങളൊത്തിരി
മുന്നിലുണ്ടിപ്പൊഴും
പാദം തളർന്നു ഞാൻ
വീഴുന്നതിൻ മുൻപ്

ഇത്തിരി സ്നേഹ,നീ-
രേകാ,നൊരു,മരു-
പ്പച്ചയാ,യെത്തുമോ
ഈ മരു ഭൂവിൽ നീ....

          --(---


ടി. യു. അശോകൻ

5 comments:

  1. its nice, how u use malayalam font ?

    ReplyDelete
  2. നന്നായിട്ടുണ്ട് ..
    ഇനിയും പ്രതീക്ഷിക്കുന്നു ...

    ReplyDelete
  3. It's nice to see that you have started it.expect more from you.

    ReplyDelete
  4. നന്നായിട്ടുണ്ട് ബാങ്ക് വര്കെശ്സ് ഫോറത്തില്‍ കൊടുക്കണം

    ReplyDelete