ആയിരം സ്വപ്നങ്ങൾ
പൂവിട്ടുലഞ്ഞൊരെൻ
മാനസമിന്നു
വെറും മണല്കാടുതാൻ..
ശപ്തദു:ഖങ്ങൾ തൻ
വേനലിൻ ചൂടിലാ-
പുഷ്പങ്ങളൊക്കെയും
വാടിക്കരിഞ്ഞുപോയ്‌..
നഷ്ടസ്വർഗ്ഗങ്ങളെ
മാറാപ്പിലാക്കി ഞാ-
നിക്കൊടും ചൂടിൽ നിൻ
കാല്പാടു തേടവേ,
വ്യർത്ഥമോഹങ്ങൾ
മരീചികയായ്‌ മുന്നിൽ
നൃത്തം ചവിട്ടി-
പ്പിടിതരാ,തോടുന്നു..
കാതങ്ങ,ളൊത്തിരി
മുന്നിലുണ്ടിപ്പൊഴും
പാദം തളർ ന്നു ഞാൻ
വീഴുന്നതിൻ മുൻപ്,
ഇത്തിരി സ്നേഹനീ-
രേകാനൊരുമരു-
പ്പച്ചയാ,യെത്തുമോ
ഈ മരുഭൂവിൽ നീ.....!
--0--
ടി .യൂ. അശോകൻ
==============================
RE-POSTING
'കാതങ്ങളൊത്തിരി മുന്നിലുണ്ടിപ്പൊഴും...'
ReplyDeleteതേടിയത്‌ എത്തിച്ചേരും.
അന്തിമമാം മണം നല്‍കുവാന്‍ മലര്‍ കാക്കില്ലേ
ReplyDeleteഗന്ധവാഹകനെ, രഹസ്യമാര്‍ക്കറിയാവൂ..
നഷ്ടസ്വർഗ്ഗങ്ങളെ
ReplyDeleteമാറാപ്പിലാക്കി ഞാ-
നിക്കൊടും ചൂടിൽ നിൻ
കാല്പാടു തേടവേ,
ഇത്തിരി സ്നേഹനീ-
രേകാനൊരുമരു-
പ്പച്ചയാ,യെ "ത്തേണ്ട"
ഈ മരുഭൂവിൽ നീ
എത്തേണമന്റെയാ
കൊച്ചരുവിയായി
ചിത്തം കുളിർപ്പിക്കും
മഞ്ജുള ഭാഷിണി
സ്വപ്നങ്ങളും,നഷ്ടസ്വര്‍ഗ്ഗങ്ങളും,വ്യര്‍ത്ഥമോഹങ്ങളും തകര്‍ന്ന്
ReplyDeleteവീണ്ടും വീണ്ടെടുക്കാനുള്ള പ്രതീക്ഷാനിര്‍ഭരമായ കാത്തിരിപ്പ്!
അതാണല്ലോ ജീവിതം!!!
നന്നായിരിക്കുന്നു രചന.
ആശംസകള്‍